خطيبتي وماضيها

انا انس خطبت من 6 اشهر والخطبة تقليدية ما كنت اعرفها من قبل ، وفي بينا توافق وتفاهم وكلشي تمام وتعلقنا ببعض وحبيتها وهي كمان ، بس اكتشفت انه لها عشيق وتكلم شباب بالموبايل في الماضي ، واجهتها واعترفت وانهارت بالبكاء وطلبت مني السماح وقالت انه كان غرضها الزواج وانه بعد ما خطبنا وعرفتني انتهى كلشي واقسمت على المصحف انها لم تفعل المحرمات …..

انا كنت بدي اتركها بس تراجعت خصوصًا اني تعلقت فيها وحبيتها ، المهم انسينا الموضوع وطوينا الصفحة، بعدها بفترة بلشت احس بخوف وبضيق من المستقبل معها ومش مرتاح وكان عقلي يلومني ويقلي ليش ما تركتها بعد ما اكتشفت ماضيها ، هي يمكن رح تخونك وترجع لماضيها ، انا الان بين نارين اتركها ؟؟ كلام الناس والاقارب لا يرحم خصوصاً انها ليست المرة الاولى افسخ فيها خطبتي .

ابقى معها احس بضيق صدر وعدم ارتياح والخوف من الايام انا محتار ومنهار دلوني شو اعمل؟؟

رأي الباحث الاجتماعي :

اخي الفاضل لا يوجد انسان بلا ماضي سواء شب او بنت ، هي اعترفت وما انكرت وما صار اي غلط بينها وبين اي شب ، حتى لو كان الها ماضي ما الك حق تحاسبها على شي انتهى لانه ربنا بحسابها ، انت دخل الشك براسك بس خلينا نتطلع لقدام لو طلقتها انت اول شي بتكون كسرتها لانه وثقت فيك وانت كمان يمكن ما تلقى بنت ترتاح لها من جديد لانه لو خطبت غيرها ونبشت ماضيها ممكن ما يسرك ماضيها صح ؟ الحل انه تصلح ما بداخلك انت وتكون نيتك صافيه وافضل من هيك تجاه البنت وان شاء الله يرتاح قلبك .

زوجي كسر قلبي

انا سارة متزوجة واحب زوجي جداً واموت فيه وهو يحبني كمان حبيت ارسللكم مشكلتي اتساعدوني.

احنا كأي زوجين في مشاكل دائما بينا ولكن بسيطة احيانا انا اعمل المشكلة احياناً هو يعمل المشكلة.

طبعاً زوجي مستحيل يعتذر على مشكلة عملها هوا، والحقيقة فيه صفات حلوة كثير.

الي صار اتهاوشنا اخر مرة وقتها حذفته من كل برامجي وما تكلمنا ذاك اليوم.

فجاة طلع مع ولد عمه وترك جواله بالبيت ظهر على شاشة جواله اشعارات اكتشفت انه مسجل بمواقع زواج!

انقهرت وهو قاعد يسال البنت عن جمالها وايش اللبس الي تحب تلبسه وسوالف.

طبعاً طنشت وعملت نفسي انه ما صار شيء ولا شفت، قفلت على نفسي وبكيت وصليت وقمت.

بس ما قدرت اتحمل الموضوع قمت ورحلته وقلتله يا خاين ، الله لا يوفقك انا زوجتك تدور على زوجة اتخوني معاها!! وارتفع صوتي وصوته.

اطلعت من عنده وجاني وانكر كل شيء وقعد ليقولي ان ولد عمه الي سجل باسمه بس ما تمشي علي كذبة مثل هذي وهوا كل يوم ايراضيني ولو بقدر يعطيني عيونه اعطاني.

رجاءً ساعدوني قلبي متخربط ومش عارفة ايش اعمل!!

المشكلة انه اتجراء وكلم غيري مقهورة وممكن ايعيدها والان قاعد ايصر علي بموضوع الحمل انصحوني مقهورة.

راي الباحث الاجتماعي:

اختي العزيزة لا اتكبري الموضوع كل شيء بصير وقت الغضب عاملي زوجك كويس وكل شيء برجع مثل الاول وافضل، وهل جزاء الاحسان الا الاحسان، كل شيء يصير وقت الغضب او السعادة ممكن الانسان يندم عليه، في الغضب يتخذ قرار غلط وفي السعادة ممكن يعطي وعود ما يقدر عليها، الله يوفقكم ويسر امركم.

ننتظر ردود القراء.

ما عندي ثقة بنفسي

انا سارة عمري 25 سنة تعرفت على انس عن طريق الفيس بوك وصرنا نحكي كثير وكل يوم بالساعات اول فترا ما طلب مني يشوفني أبداً وما بعرف شكلي بس انا بعرف شكله ببعتلي صوره وينزلهم على صفحته.

مع الايام تقربنا لبعض كثير وانا جد حبيته وتعلقت فيه وحبيت اسلوبه وطريقته بالحكي معي ، مر شهر وبعدين طلب مني رقمي واعطيته اياه واعترفلي بحبه بس ووقتها طلب مني اني اشوفه ويتعرف علي على الواقع بس انا خفت اني ما اعجبه انا ناصحه وما بحب جسمي وما بحس اني ممكن أعجبه.

فانه تحججت باهلي انه ما بقدر اطلع وانه بخاف خد يشوفني معك ، حكالي على الاقل ابعتلي صورك واصر كتير يشوفني حكتله ما بحب ابعت صوري لحد عصب كثير وحكالي ازا ما ببعتله ما ارجع احكي معه.

وهون انا زعلت كثير لانه جد بحبه وبنفس الوقت بخاف ازا شاف صورتي ما اعجبه ويتركني، فانه فكرت كتير ولقيت الحل انه ابعتله صوره مو الي وبعتله الصوره ووقتها انبسط وصار يتغزل فيه وعجبته صوره كثير يمكن وقتها جد صدقت انه صوره الي وفرحني كلامه وصار كل يوم يطلب مني صوره ابعتله اياها على الصبح وصرت ابعتله.

بعدين انا حسيت حالي عايشه علاقه حب مزيفه وما فيها صدق وبلشت اتعلق فيه اكثر من اول طلبت منه انه اشوفه على الواقع حكيت هو هلا بحبني ومتعلقين ببعض يمكن ازا اعترفتله يسامحني ورح يضل يحبني وما رح يتركني ، المهم طلعت لحتى اشوفه وبس شفته انعجق كثير حكتله انا ساره حكالي انتي ساره ؟؟؟ حكتله انا آسفه على كلشي بس خفت ما اعجبك وتتركني عصب كثير وحكالي ما ارجع احكي معه وراح.

بس رجعت على البيت كان عاملي بلوك على كل مكان وانا هون اختنقت وزعلت كثير انه تركني حتى نظرته الي كانت بنظرة قرف يمكن لو عجبه شكلي وتقبلني ما كان تركني وراح بس انا كنت عارفه انه رح يتركني وبنفس الوقت احكي هو بحبني ورح يسامحني ، بس انا هلا صار ما عندي ثقة بنفسي ازود من اول هو خلاني اكره جسميي وشكلي اكثر من اول .

انا مش عارفه شو اعمل انا انكسرت كثير بس انا جد بحبه ولسا بحبه وبعرف اني كزبت عليه كثير بس لانه خفت اخسره وحكيت يمكن جد يحبني وما يتركني رغم كلشي ، احكولي شو اعمل لا انساه وكيف اقدر اثق بنفسي وشكلي متل كل هالبنات تعبت كثير والله تعبت .

رأي الباحث الاجتماعي:

اختي الكريمة الكذب دايما مش حل الكذب بخليكي تتستري لوقت صغير بعدين كلشي بنكشف ، انا برأيه ما في بنت مش حلوه بالعكس انتي حلوه ولا تنظري بحالك بنظره غير هيك لازم يكون دائما عندك ثقة بنفسك ، لازم تحبي حالك بكل حالاتك (حب نفسك تجدها )، بس تكوني حابه نفسك رح تكوني مبسوطه بحياتك وسعيدة لا اضلي قلقانه بالناس شو عم تفكر فيكي لازم تعرفي قيمتك اذا ما كنتي راضية عن نفسك رح اضلي زعلانه ومعصبه وانفعالية كثير لازم تحبي حالك كيف ما كنتي هاي اكبر هدية ممكن تعطيها لنفسك ووقتها رح تبطلي تبحثي عن الاهتمام من اي حد .

حبيبي القديم

انا ساره عمري 26 سنة من سنه ونص تقريباً كنت بحب واحد كثير وهو بحبني بس صار مشاكل بينا كثير وتركنا بعدها بفتره خطبت وبس عرف اني خطبت فضحني عند اهلي وحكالهم قصص كثير عني وعملي مشاكل كثير بس الحمدلله خطيبي ما عرف شي هلا انا تزوجت والحمدلله مبسوطة كثير مع زوجي وبحبه.

بس هلا لما صرت افتح الفيس بوك تبعي يكون باعتلي مسجات من وقت ولوقت بس ولا مره رديت على مسجاتو ولا حتى فكرت اني ارد ، مرات يبعتلي تهديد مرات يبعتلي كلام حب وغرام مرات يبعتلي مسجات قديمة بينا ، وانا خايفه انه جوزي يعرف بشي ، اخر مره بعتلي فيها المسج كاتب كلام قاسي اقسم بالله استحيت اقرأه كلام وسخ كثير ورخيص متله، انا عطول عملت بلوك ومسحت المسجات بس هو ببعتلي مسجات من حسابات وهميه كثير ومو قابل يتركني بحالي.

انا مش عارفه شو اعمل احكي لا اهله بما انه بعرفهم ولا شو الحل !

رأي الباحث الاجتماعي:

اختي العزيزة بما انه عنده حسابات وهمية كثيره ومش قادره تتخلصي من القصه القديمة من الافضل انك تلغي حسابك وتخبري اخوانك وهمه رح يتصرفو معه، الله يبعد شره عنك ويستر عليكي يا رب .

وظيفتي و زوجي

انا سارة بشتغل موظفة وبستلم راتب كويس كثير وانا بحب شغلي قبل زواجي كان من شروطي استمراري بالوظيفة لكن للاسف زوجي ما قدر يتحملني بالوظيفة يلي كانت مصدر رزق الي ولزوجي ولا اهلي .

في ناس اتوقعو انه زوجي ما كان يستفيد من راتبي ولكن كان زوجي مستفيد وجداً وتقريبا في السنوات الاخيرة كان ياخد راتبي كامل وما يرتاح الا لمًا يكون رصيدي صفر، مع العلم انه وقفت معه بكل شيء والكل يشهد بذلك وبعدين يرجع بحكيلي انه ما استفاد منه شيءٍ يعني انا بدي افهم هو تعود خلص ياخد كلشي كل مرا والا كيف ؟؟.

انا ما طلعت من الوظيفة بطيب خاطر ولكن كانت مشكلتي مع زوجي واهله مع ام زوجي متاكد انه اذا خسرت وظيفتي رح تصعب عليه المصاريف ولكن كان شديد بالموضوع عشان الاولاد .

حاولت كثير انه إستمر بالوظيفة لكن وصل الموضوع انه يدخل على الدوام ويفشلني قدام الموظفين ويعملي مشاكل لحد ما وصلنا بالاخير يا انا والاولاد يا الوظيفة، دخلت اهلي بالموضوع ونحلت المشكلة لكن الايام بسيطة بعدها رجع شد اكثر من اول لدرجه فقدت وظيفتي بالنهاية وجناحي مكسور.

بعد فقدان وظيفتي زوجي حكالي رح يعطيني مصروف طبعا انا يلي طلبت مصروف علماً انه وضعه المادي صعب وراتبه الصافي 3,500 ريال لهذا السبب طلبت 300 ريال .

طبعاً بتمر ايام بطلع زوجي بشغله اسابيع وبطر ادين حتى أغطي احتياجات الاولاد ولما يرجع عشان اسد الديون .

انا الحمدلله قنوعه ومراعيه للوضع المادي لزوجي لما كنت اشتغل كنت مرتاحه ماديا واشتري كل احتياجاتي واليوم احس بضعف ونقص .

زوجي واضح انه ندمان وشايف الفرق بعد فقدان وظيفتي ولكن لسا على موقفه ولما اقله بدي ادور على وظيفة جديدة يجن حنونه واما بالنسبة لا 300 ريال يلي يعطيني اياهم هو للان ملتزم ولكن وقت الاعياد بقلي الوضع متأزم وما بقدر هالشهر كذلك احس انه بتهرب.

انا ما بعرف زوجي كيف بفكر ومرات فعلا اشفق عليه بس هو عمره ما شفق علي لمًا كان ياخذ يلي قدامي و وراي ، ودائما يحسسني إنه مفلس ولكن اكتشفت انه مخبي فلوس ما بعرف كيف اوصف زوجي بما يتعلق بالفلوس ، معنى اوضح فلوس اغلى عنده من زوجته مع اني ابدا ما اضغط عليه ولا اطلب حاجه لنفسي بس بطلب لاولادي مع العلم ملابسي عمرها من 3 لا 4 سنوات الحمدلله على كلشي .

نصحوني شو اعمل مع زوجي شكرا الكم .

رأي الباحث الاجتماعي:

اختي الكريمة كل الرجال يوفرون رواتبهم لانه عندهم تخطيطات وبعرف انه يمكن زوجته تعترض عليه كبناء بيت او شراء سيارة ، تفكير الرجل انه مش لازم يصرف كل ما عنده على زوجته و اولاده ، رجال بطبيعتهم بحب ان يوفر مبلغ من المال للايام الصعبه القادمة .

يظهر لنا انه زوجك يخبي فلوس لانه اهدافه طيبه وهذا الشيء ما بزعل أبداً، اما النساء بطبيعتهم يحبون الصرف وبالاخص على اولادهم سواء كان شيء ضروري ام تافه ، الام ما تقصر مع ابناءها اطلاقاً.

انصحك بالشغل من المنزل اذا امكن او محاولة العودة للعمل مرة اخرى، ونصح زوجك بالبحث عن عمل اخر، نرجو من الله لكم رغد العيش.

ننتظر ردود القراء.

خطيبي السيء

انا سارة عمري 21 سنة عندي مصيبه ومحتاجه مساعدة خطبني انس وعمره 26 سنة صارلنا 5 اشهر كاتبين الكتاب.

المشكلة انه ما عنده تفاهم قبل ما نكتب الكتاب انا حكتله اني بحب الدراسة وعندي طموحات وعندي اهتمامات بالكتابة والقرأة والتصميم والمسيقى وخصوصاً فرقة BTS صارلي بتابعهم 4 سنوات وبفهم اغانيهم وأغانيهم الها اهداف ورسالة واضحة مو شغل حب .

حكتله إذا بتتزوجي بتاخذني نفس ما انا بدي احافظ على هالاشياء ووافق وتمت الخطبة وكتبنا الكتاب.

وبعد كتب الكتاب اكتشفت انه انسان عنصري ومتناقض ومهمل وما عنده اسلوب والفاظه قذرة وكل ما يصير مشكلة بحكيلي يا عبدة الكوريين او يا رخيصة ، قبل اسبوعين حكالي كلمة ما مسكت حالي وأعطيته كف، وسب عرضي بامي عشان ما قبلت اطلع معاه بغرفه بالفندق.

حكيت لا ابوي وامي ا بدي اياه وبدي اطلق منه لما سالوني عن السبب حكتلهم كلشي راح ابوي اتصل عليه وحكاله انه انا بطلب منه اشياء وسخه مش هو و انا بحكي مع شباب غيره ومصور محادثة مزوره ع اساس اني انا بحكي مع شباب وطبعا ابوي صدق هالمحادثة وضربني وحكيت لا امي انه كذاب وبألف عليكم بس محد صدقني والله مقهوره مش عارفه ايش بده فيني .

بالله عليكم ساعدوني انا بعيط من كثر الظلم ،يعطيكم العافية.

رأي الباحث الاجتماعي:

اختي الكريمة انتي ما تحتاجي مشورتنا افسخي العقد فوراً هالانسان سيء جدا استمري على موقفك تحت اي ظرف كان لو قبلتي فيه وتنازلتي بعد كلشي صار اعرفي انه مستقبلك اسود وحافظي على المحادثات يلي بينكم يمكن تستفيدي منها بالمحكمة خليكي قوية لا تتنازلي عن موقفك نتمنالك التوفيق.

ننتظر رد القراء

زوجي سرق ابوي

انا سارة عندي مشكلة اتمنى تساعدوني وتعتبروني اختكم ابتليت بزوج خبيث جاء بالحيلة وطلب 100 الف ريال من ابوي.

ابوي كان رافض وانا جبت اول طفلة وكانت تعبانه ومريضة وتحتاج فلوس للعلاج وزوجي اقترح اني اخد 100 الف من ابوي ويفتح مشروع فيهم ووافق ابوي عشان يساعدنا.

فتح زوجي المشروع ونجح فيه وللان ما رجع الفلوس لا ابوي، بنتي الحمدلله تعافت وصار عمرها 5 سنوات وكل ما تكلمت زوجي يتحجج ويقول انا ما بسرقه انا برجعها اقله متى طيب؟ يعصب علي ويقلبها مشاكل، جيته بالطيب بالقوة ما في فايدة.

المشكلة ابوي الحين محتاج فلوس ويقول حتى لو يقسطني بالشهر 3 الالف او قد ما يقدر وزوجي رافض او بالاصح معسر وانا اشوف انه قادر.

انا ابي اشتكي عليه نفسي طابت منه بس المشكلة انه البنت صارت بنتين وابوي ما يبي مشاكل مع زوجي يخاف انه يطلقني ويتحمل ابوي مسؤولية ضياع مستقبلي ومستقبل بناتي.

ما ادري ايش اسوي وابوي كل مرا يتصل ليش ما حولتو الفلوس ، اكلم زوجي يعصب وينافخ علي ويقلي خلاص اطلعي منها ما الك دخل.

ايش اسوي الله يوفقكم ساعدوني .

رأي الباحث الاجتماعي:

اختي الكريمة زوجك لن يرد المبلغ أبداً لا بالتقسيط ولا بغيره نصيحتي انه والدك يطلب العوض من الله ، وردي فلوس ابوكي بالحيلة اعطيه مبالغ متقطعه بين فترا وفترا او بيعي ذهبك واعطيه في حال كان عندك ذهب ساعدي ابوكي قد ما بتقدري ولا تحكي مع زوجك ابدا بالموضوع خلي ابوكي يتصل معه مباشره او احد اخوانك حتى لا تصير معك مشاكل في البيت اتمنالك التيسير وصلاح الحال .

زواج أقارب

انا سارة عمري ٢٠ سنة ، تزوجت من أنس زواج تقليدي اجباري، قام اهلي بتزويجي وانا غير راضية بالزواج من ابن عمي.

كنت اقول لاهلي اني ما بدي ابن عمي وانا بحب أحمد صارو يضربوني وايبهدلوني وما سمحولي اني احكي مع احمد.

حكيت لاحمد قام اجى وطلبني من اهلي ابوي رفض لان حسب العادات والتقاليد ابن عمي اولى فيني من الغريب.

ازعلت كثير واهلي ما تفهموني ولا قبلو رغبتي باحمد وما فهمو ان البنت لما تحب واحد ما بتقدر اتعيش من دونه.

رحت يوم العرس غصب عني وانا زعلانة.

ليلة الدخلة ما خليته يلمسني.

بعد عددت ايام صار الموضوع زي الاجبار وصارت ليلة الدخلة بس انا ما قدرت اوافق وضليت اكافح لحبي وصرت اخيل احمد مع بدل انس وصرت اصيح احمد احمد احمد.

بهاي اللحظة فهم زوجي اني بحب واحد ثاني وتركني فترة بالبيت وطلقني انه فاهم كويس اني ما رح اكون له.

الان احمد بطل بدو اياني اني وحدة مطلقة ايش اعمل؟

راي الباحث الاجتماعي:

ولا تعملي شيء جنت على نفسها براقش، استغفري ربك علي عملتيه أنس ما ظلمك انتي ظلمتيه مثل ما ظلموك اهلك، كان بالامكان انك تتصلي على أنس والموضوع بسيط ابن عمك مثل ما اتقولي سهل اتجيبي رقمه حتى لو منعوك اهلك وتقوليله انك بتحبي واحد ثاني، اما الي عملتيه شيء مهين لزوجك، ومن الطبيعي ان احمد يرفضك بعد الي عملتيه مش من المنطق نهائياً ان يوخذك وانتي اهنتي زوجك وبكل تاكيد تصرفك يدل على شخصيتك الي بكل تاكيد رح تبعد اي رجل عنك، الي ممكن تعمليه الان تنتظري عريس جديد وتحترميه.

طلقني زوجي

السلام عليكم انا سارة مشكلتي كبيرة.

مش عارفة كيف ابداء

انا كتبت كتابي وصار بيني وبين خطيبي طلعات تاثيث بيتنا.

لما روحنا البيت اغتصبني غصب عني.

بعد شهر ارسلي ورقت طلاقي حسبي الله ونعم الوكيل فيه.

مش عارفة شو اعمل ما حكيت لاهلي خايفة محتاجة حل ساعدوني بدون تجريح رجاءً.

رأي الباحث الاجتماعي:

لا حول ولا قوة الا بالله ، اختي الكريمة اول شيء يجب ان تخبري اهلك بالي صار وبالتفاصيل كاملة، ابحثي عن فرد في عائلتك ممكن يستوعب كلامك للاخر وتعتقدي انه انسان عاقل غير انفعالي، من المستحيل تجريم زوجك لوجود عقد زواج ساري، ربي يستر عليك ويحفظك، الحل عند اهلك.

زوجي يشك بي

انا سارة تزوجت وانا عمري 16 سنة وبعد 3 سنوات من الزواج انجبت طفلي الاول واجاني التهاب ومرض في المهبل واخد زوجي انس عند الدكتوره واعطتني ادوية وبعد اسبوع تشافية الحمدلله .

مرضي كان فيه متل الفطريات يلي بتكون بالثم بس كانت عندي بالمهبل كتل بيضاء ومع العلاج سقطت .

لما كشفت علي الدكتوره سألتني اذا كان زوجي فيه اي بثور او حبوب في الاماكن الحساسة واجبتها بالرفض ولا شكيت بزوجي انس ابدا ولا اجت ببالي اصلا انه صبت العدوة منه يمكن لاني صغيرة وعدم معرفتي في هذا الوقت.

اليوم مر الوقت على القصه 7 سنوات انجب من خلالها بنتين .

في هذه السنوات سألني زوجي انس اكثر من مره عن سبب مرضي وانا بجاوب ببراءه انه ما بعرف .

قبل اسبوع كنت اتفرج انا وانس على فلم امرأة تم التعدي عليها وهي متزوجة ، وحكالي اكبر خطأ ترتكبه المرأة انه تسكت اذا تحرش فيها شخص لانه رح يتمادى معاها سألني اذا تعرضتي لهيك موقف هل رح تحكيلي حكتله اكيد رح اخبرك .

حكالي احلفي بالله انه ما حصلك شي ابدا انا حلفت وكان ببالي انه قصده معاكسات مع العلم اني منقبه من عمري 16 سنة وما بطلع الا معه بعد ما حلفتله سألني طيب شو سبب المرض يلي اجاكي هون نصدمت انه بشك فيه انه عامله علاقه مع حد سواء عن رضاي او بالغصب .

صدمت انه انا يلي تعذبت بمرضي ما شكيت فيه ولا حتى فكرت انه هوا السبب وهو الان شاك فيني اني زانية.

قلتله ادعي ربك ان يظهر لك الحقيقة اذا كنت شاك.

وانا رح ادعي ربي ان اذا شكيت فيني انه يبعد بينا ما بين المشرق والمغرب.

واغلقنا النقاش الى الان.

وبهديك الليلة دمعت ودعيت ربي يلهمني التصرف الرشيد.

قمت اجمع اغراضي اروح لبيت اهلي، بعدين اتذكرت اولادي انهم مبسوطين بشنطهم ومدرستهم وكتبهم لجديدة.

ففوضت امري الى الله ونمت واصحيت ثاني يوم وكان شيءً لم يكن.

ولكن انا بطلت قادرة اشوف وجه زوجي، مع العلم لما تزوجتم كنت اعرف ايش يعني علاقة زوجية.

هل ممكن اتفيدوني بالموضوع لو هذا المرض ينتقل فقط جنسياً؟

ايش اعمل مع زوجي؟ جنيت

رأي الباحث الاجتماعي:

اختي العزيزة الالتهابات كثيرة جداً واسبابها اكثر من الممكن انك قد استخدمتي حمام عام ادى لانتقال الالتهاب لكي او لباس متسخ.

اما بالنسبة لردة فعلك فهي مبالغ فيها كثيراً البيوت مليئة بالمشاكل ومشكلتك لا تصل لمستوى ترك زوجتك باي شكل، المشكلة الحقيقة لديكم قلة العلم والجهل، نتمنى لكم دوام الصحة والعافية والحياة الطيبة.

لا تخربي بيتك بالجنون.

ننتظر رد القراء