زوجي كسر قلبي

انا سارة متزوجة واحب زوجي جداً واموت فيه وهو يحبني كمان حبيت ارسللكم مشكلتي اتساعدوني.

احنا كأي زوجين في مشاكل دائما بينا ولكن بسيطة احيانا انا اعمل المشكلة احياناً هو يعمل المشكلة.

طبعاً زوجي مستحيل يعتذر على مشكلة عملها هوا، والحقيقة فيه صفات حلوة كثير.

الي صار اتهاوشنا اخر مرة وقتها حذفته من كل برامجي وما تكلمنا ذاك اليوم.

فجاة طلع مع ولد عمه وترك جواله بالبيت ظهر على شاشة جواله اشعارات اكتشفت انه مسجل بمواقع زواج!

انقهرت وهو قاعد يسال البنت عن جمالها وايش اللبس الي تحب تلبسه وسوالف.

طبعاً طنشت وعملت نفسي انه ما صار شيء ولا شفت، قفلت على نفسي وبكيت وصليت وقمت.

بس ما قدرت اتحمل الموضوع قمت ورحلته وقلتله يا خاين ، الله لا يوفقك انا زوجتك تدور على زوجة اتخوني معاها!! وارتفع صوتي وصوته.

اطلعت من عنده وجاني وانكر كل شيء وقعد ليقولي ان ولد عمه الي سجل باسمه بس ما تمشي علي كذبة مثل هذي وهوا كل يوم ايراضيني ولو بقدر يعطيني عيونه اعطاني.

رجاءً ساعدوني قلبي متخربط ومش عارفة ايش اعمل!!

المشكلة انه اتجراء وكلم غيري مقهورة وممكن ايعيدها والان قاعد ايصر علي بموضوع الحمل انصحوني مقهورة.

راي الباحث الاجتماعي:

اختي العزيزة لا اتكبري الموضوع كل شيء بصير وقت الغضب عاملي زوجك كويس وكل شيء برجع مثل الاول وافضل، وهل جزاء الاحسان الا الاحسان، كل شيء يصير وقت الغضب او السعادة ممكن الانسان يندم عليه، في الغضب يتخذ قرار غلط وفي السعادة ممكن يعطي وعود ما يقدر عليها، الله يوفقكم ويسر امركم.

ننتظر ردود القراء.

اترك رد

%d مدونون معجبون بهذه: